Bulshadeenu waxay u qalantaa daryeel caafimaad oo gaar ah, Valley Medical Centre waa inay ahaato meel uu qof kastaa ka helo daryeel tayo leh iyadoon loo eegin dakhli ama asal. Maadaama aan wajahno dhimista la filayo ee Medicaid-ka federaalka iyo caqabadaha sii socda ee caymiska gaarka ah, waa lama huraan in aan helno hoggaan adag si aan u ilaalino oo loo xoojiyo isbitaalkeena.

Anigoo ah Guddoomiyahaaga hadda, waxaan si adag uga shaqeeyay in Valley Medical Center ay dhaqaale ahaan xoog u ahaato, isla markaana shaqaalaha lagu ixtiraamo, lagu taageero, lana siiyo daryeel caddaalad ah. Anigoo leh khibrad urur shaqaale iyo hoggaamiye bulsho ahaan, waxaan keenaa ballanqaad ku saleysan caddaalad, isla xisaabtan, iyo in dadka la hormariyo.

Qoyskaygu wuxuu deganaa degmadaan tan iyo 1992, waxaana si toos ah ugu tiirsanayn Valley Medical Center marka ay timaado daryeelka caafimaad ee degdegga ah. Waan ogahay sida uu isbitaalkani muhiim ugu yahay bulshadeena.

Haddii mar kale la i doorto, waxaan: Taageeri doonaa daryeel bukaan-ku-saleysan iyo helitaan daryeel oo loo siman yahay, gaar ahaan deriskeenna nugul; Ilaalin doonaa daahfurnaan iyo masuuliyad maaliyadeed si loo helo xasillooni waarta; U istaagi doonaa daryeel caddaalad ah iyo taageero shaqaalaha isbitaalka-waayo daryeelka tayada leh wuxuu ka bilaabmaa kuwa bixiya.

Waxaan sharaf u arkaa inaan kasbaday kalsoonida iyo taageerada hay’adaha la ixtiraamo sida, oo ay ku jiraan Dimuqraadiyiinta Degmada King, AP ACE PAC, iyo SEIU 1199NW.

Si wada jir ah, waxaan u dhisi karnaa isbitaal jawaab celin leh, adkeysi leh, diyaarna u ah inuu daboolo baahiyaha qof kasta oo bulshadeena ah. Waxaan si xushmad leh u waydiisanayaa codkaaga ku aaddan Guddoomiyaha Jagada Lr. 4- si aan u sii wadno shaqadan muhiimka ah, wadajir.