Degmada Biyaha ee Covington (CWD) waxay u baahan tahay fikrado cusub iyo il-biyo cusub si loo ilaaliyo loona daryeelo deegaanka halka CDW ka soo saarto biyahaheeda, gaar ahaan Harada Sawyer iyo aagga biyo-soo-gurta ee Wabiga Green. Waxa aynu u baahan nahay qof leh khibrada dhabta ah ee nolosha gorgortanka, silsiladda saadka, iyo xiriirrada ganacsiga. Pete waa qofkaas.

In ka badan 24 sano oo uu ka soo shaqeeyay Dell, isaga oo ka iibiyey in ka badan $1 bilyan oo alaabooyin iyo adeegyo ah shirkadaha ugu waaweyn ee aagga Seattle, khibraddiisa saadaasha, miisaaniyadeynta, silsiladaha saadka ee caalamiga ah, adeegyada, iyo gorgortannada adag waxay siisaa qalabka uu ugu hoggaamin karo mas’uuliyad iyo hufnaan. Pete waxa uu sidoo kale 15 sano u soo ahaa hoggaamiyaha maaliyadda ee guddiga TurningPoint Community Church.

Pete waxa uu u taagan yahay Guddoomiyaha CWD si uu uga hawlgalo in bulshooyinkeenna ay sii helaan biyo nadiif ah oo la awoodi karo oo leh saameynta deegaanka oo aad u yar. Wuxuu aaminsan yahay iskaashi lala yeesho macaamiisha, magaalooyinka, degmada, qoomiyadaha qabiilka, iyo sahay-bixiyeyaasha si loo ilaaliyo mustaqbalka biyaha.

Sida Guddoomiyehaaga Degmada Biyaha ee Covington ahaan, waxaan ka shaqeeyay xaddidaadda kordhinta qiimaha iyo ilaalinta adeegga lagu kalsoonaan karo iyada oo loo marayo hoggaan adag iyo qorsheynta bulshada diiradda saaraysa. In ka badan 41 sanno oo aan ku jiray warshadaha biyaha, oo ay ku jiraan shaqo ka socota waaxda injineernimada ee Magaalada Auburn iyo Maareeye Qaybinta Biyaha oo shahaado leh, waxaan keenaa khibrad qoto dheer go'aan kasta.

Markii la ii doortay guddiga, Magaalada Covington waxay lahayd qaar ka mid ah qiimaha biyaha ugu sareeya ee Gobolka Washington. Tan iyo markaas, waxaan ku jirnay sagaal sanno iyada oo aan la kordhin heerka qiimaha. Tan waxaa lagu gaadhay iyadoo la dheelitirayo miisaaniyadda, la fududeynaayo hawlaha, lana shaqeynayo shaqaalaha si loo hagaajiyo daah-furnaanta iyo waxtarka.

Sida degmada ay u korayso, mudnaantayda waa in aan xaqiijiyo xalal waara oo biyaha ah oo muddo dheer ah, kuwaas oo qiimahooda la awoodi karo iyadoo la hubinaayo in biyaha la cabbo ay yihiin kuwo ammaan ah oo tayo sare leh. Waxaa iga go'an inaan ilaaliyo qiyamka muhiimka u ah bulshadeenna: isku haleynta, awoodda wax iibsiga, iyo kalsoonida. Waxaan jeclaan lahaa inaan kasbado codkaaga oo aan sii wado ku adeeggida khibrad, la xisaabtan, iyo natiijooyin leh.