Waxaan xilkan la imaanayaa iskudar gaar ah oo ah khibrad ganacsi iyo adeeg gurmad. Dhanka xirfadda, inaan ka shaqeeyay warshadda teknolojiyada macluumaadka in ka badan 35 sano, anigoo taageeraya hawlgallo ganacsi oo fara badan. Intaas waxaa dheer, waxaan 12 sano u adeegay dab-damiye mutadawac ah iyo 15 sano EMT/Paramedic. Isku-darka khibradahani waxay i siisay faham dhammaystiran oo ku-dhaqan ah baahiyaha degmada dab-damiska.

Waxaan ku noolaa Galbeedka Washington sagaalkii sanno ee la soo dhaafay waxaana 6dii sano ee u dambeeyay deganaa Maple Valley iyo degmadeeda dab-damiska. Juun 2024, waxaa la ii magacaabay Guddiga Guddoomiyeyaasha Dab-damiska si aan u buuxiyo boos bannaan, kadib 2 sanno oo aan si firfircoon uga soo qaybgalayay shirarka guddiga anigoo xubin bulsho ah.

Waxaan aad ugu diyaar ahay inaan la hadlo degane kasta oo degmada. Waxaad igala so xiriiri kartaa ciwaankan iimeelka: MMulich@MapleValleyFire.org

Waxaan u tartamayaa inaan noqdo codka shaqaalaha iyo dadka deegaanka ee Degmada Dab-damiska Maple Valley # 43 laga bilaabo Hobart, Ravensdale ilaa Maple Valley, Covington. Waxaan ka helay caawinaad ka timid shaqaalaha gurmadka degdegga ah. Marka aad dareento inaad ugu xun tahay oo aad u baahan tahay caawinaad, way yimaadaan. Waxaan sii wadi lahaa bixinta adeegyada heer sare ah ee dabka iyo baahiyaha degdegga ah. Maareynta miisaaniyado waaweyn oo aan horey uga soo shaqeeyay shaqooyinkeygii hore ee xirfadeed waxay yareyn doontaa waqtiyada jawaabta ee waaxda iyo heerarka caymiskaaga oo hooseeya. Guddoomiyahaaga waa inuu diyaar u ahaado inuu u hadlo baahiyahaaga haddii loo baahdo, markhaatina ka bixiyo Olympia. Sannad ka hor, waxaan hoggaaminayay KSD Levy oo aad ugu baahnaa in la ansixiyo. Ka dib markii uu laba mar fashilmay, way guuleysatay. Waxaan u adeegay bulshadeenna siyaabo kala duwan muddo sannado badan ah. Waxaa sharaf ii ahayd in la i siiyo shahaadada Muwaadinka Sannadka ee Magaalada Covington