Waxaan ahay injineer AI, Shirkad bilow ah CTO, iyo macallin saynis, anigoo leh laba carruur oo dhigta Island Park Elementary. Waxaan u tartamayaa guddiga dugsiga si aan u hubiyo in Mercer Island ay sii waddo dhaqankeeda heer-sarreynta tacliineed, iyadoo la jaanqaadaysa baahida arday kasta, isla markaana ay sii ahaato meel ay tacliin adag, dabeecad, iyo bulsho wanaagsan si wadajir ah ugu koraan.

Anigoo ah waalid iyo macallinba, waxaan arkay sida xulashooyinka manhajku u saameeyaan kalsoonida iyo guusha ardayga. Waa in aan dib u eegnaa habkeena xisaabta iyo akhris-qoraalka anagoo adeegsanayna hab-raacyo la xaqiijiyay, ku saleysan caddayn, kuwaas oo kobciya faham qoto dheer oo u diyaariya arday kasta inuu gaaro kartidiisa buuxda.

Qoysasku waxay iskuulladeenna ku aaminaan waxbarashada, badbaadada, iyo wanaagga carruurtooda. Aaminaaddaas waa in si maalmeed ah loo kasbadaa lana ilaaliyaa. Waxaan ka shaqayn doonaa in iskuulladeennu noqdaan kuwo ammaan ah, loo wada dhan yahay, laguna hoggaamiyo daacadnimo. Waa wakhtigii hoggaan lala xisaabtami karo oo dejinaya heer gobol oo lagu daydo, oo dhisa mustaqbal uu arday kasta oo Mercer Island ahi aamini karo.

Anoo uda dheer deganaa Mercer Island, ka qalin jabiyeye MIHS, iyo ahna waalidka arday dhigata MISD, waxaan si qoto-dheer u daneeyaa guusha dugsiyadeenna. In ka badan toban sano, waxaan isku xilqaamay inaan ka shaqeeyo fasallo kala duwan, oo aan ka qayb qaatay hoggaanka PTA, anigoo dhisaya xiriirro xooggan guud ahaan degmadeenna.

Sida mulkiilaha ganacsi yar iyo qareen, waxaan keenayaa khibrad ballaaran oo ku aaddan falanqeynta siyaasadda, maareynta miisaaniyadda, dhisidda isfaham guud, iyo xallinta dhibaatooyinka. Waxaan u tartamayaa Guddiga Dugsiga si aan u hubiyo in dugsiyadeennu bixiyaan waxbarasho tayo sare leh oo caqabad leh, iyadoo mudnaanta la siinayo wanaagga shucuurta ardayda, la ilaalinayo xasilloonida dhaqaalaha, la mideynayo codadka bulshooyinka kala duwan, lana taageero fasallo loo dhan yahay oo ilmihii walba horumar ku gaarayo.

Degmadeenna ayaa noqota mid ugu xooggan marka qoysaska, macallimiinta, iyo maamulayaasha si daacadnimo leh u wada shaqeeyaan. Waxaan hoggaamin doonaa daah-furnaan, jawaabcelin hufan, iyo aragti fog oo diiradda saareysa ardayda. Waxaa si sharaf leh ii taageeray Ururka Waxbarashada ee Mercer Island, Agaasimayaashii hore ee Guddiga Dugsiga, iyo Xubnaha Golaha Magaalada. Waxaan si xushmad leh kaaga codsanayaa inaad ii codeyso ee ku aaddan Agaasimaha Guddiga Dugsiga, Jagada 4.