Degmada Dugsiga Bellevue waxay ku jirtaa xaalad dhaqaale oo adag, iyadoo la kulmaysa kormeerka gobolka sababtoo ah keydka lacagta oo hooseeya iyo kharashaadka oo dhaafaya dakhliga. Waxaan u tartamayaa golaha dugsiga si aan u keeno khibraddayda 20+ sanno ee xisaabaadka si aan u gaaro heerarka maaliyadeed ee ugu sareeya oo aan dib u dhiso kalsoonida. Waxaan ahay qof ku faana inuu ka qalin jebiyay Degmada Dugsiga Bellevue, waalid BSD ah, iyo sarkaal PTSA ah. Waxaan aaminsanahay awoodda isbeddelka ee dugsiyadeenna dadweynaha. Intii lagu jiray tobankii sanno ee la soo dhaafay, waxaan la shaqeeyay macallimiinta, hoggaanka degmada, iyo qoysaska si aan lacag ugu ururiyo taageerada ardayda iyo xoojinta bulshadeenna.

Guddiga Dugsiyada gudaheeda, waxaan ka shaqeyn doonaa sidii loo kordhin lahaa heerka waxbarasho iyo yaraynta farqiga barashada. Waa inaan buuxinnaa baahiyaha gaarka ah ee dhammaan ardaydeenna annagoo adeegsanayna taageero waxbarasho oo la heli karo, taageero luqadeed, iyo habeyno loogu talagalay ardayda wax ku barata siyaabo kala duwan. Waxaan aad uga walaacsanahay heerarka sare ee niyad-jabka, walbahaarka, iyo caqabadaha kale ee caafimaadka maskaxda ee ardaydu la kulmaan. Waxaan ka shaqeyn doonaa inaan abuurro siyaasad adag oo ku saabsan isticmaalka taleefannada gacanta ee fasallada iyo inaan ka shaqeeyo sidii loo yarayn lahaa saameynta warbaahinta bulshada ee carruurteena. 

Wadajir, waxaan uga gudbi karnaa caqabadaha hadda jira oo aan ka dhigi karno Degmada Dugsiga Bellevue mid heer caalami ah. 

Waxaa taageeray: Guddiga Siyaasadda Haweenka Qaranka ee Washington, Mustaqbalka Wanaagsan ee Dadka Washington, iyo kuwo kale oo badan oo ku yaal tracymayclin.com.

In wiilashaydu ka qalin-jabiyaan Bellevue High waxay ahayd waqti i buuxiyay farxad, rajo, iyo fursad—wakhti ay tahay in uu arday kasta oo degmadayada ka tirsan yeesho. Anigoo ah xubin hadda ka tirsan guddiga dugsiga, maalin kasta waxaan u shaqeeyaa si dugsiyadeennu u bixiyaan taageerada, fursadaha, iyo heer-sarreynta ay ardaydu ugu baahan yihiin inay ku hanaqaadaan. Waxaan hoggaamiyaa anigoo leh ujeeddo: waan dhageystaa, waan tallaabsadaa, waxaanan si aan kala go’ lahayn uga shaqeeyaa dhisidda kalsooni, daah-furnaan, iyo iskaashi bulshada dhexdeeda.

Waxaan hormuud ka ahaa jebinta caqabadaha luqadda, anigoo abuuray barnaamijkii ugu horreeyay ee helitaanka luqadda ee degmadu u yeelato qoysaska luqado badan ku hadla—kaas oo hadda noqday tusaale heer-gobol. Anigoo hore u ahaa xakameeye miisaaniyad, waxaan la imaanayaa khibrad maaliyadeed oo hubisa in doollar kasta oo la kharash gareeyo uu horumariyo guusha ardayga, xitaa waqtiyo adag. Korinta carruurteyda afar dal gudahood waxay qaabaysay mudnaantayda ku aaddan qalabaynta ardayda wacyigelin caalami iyo xirfado ay ugu baahan yihiin inay ku guulaystaan adduunka isku xiran ee maanta.

Codkaaga, waxa aynu dhisi karnaa nidaam dugsiyeed oo arday kasta ku hibboobaan, macallin kastana la awoodsiiyo, qoys kastana ka qayb-qaato qaabaynta mustaqbal ifaya.

Taageerada: Bellevue Education Association (Ururka Waxbarashada Bellevue); Degmada King, Dimuqraadiyiinta Degmada 41aad & 48aad; Senatarada Gobolka Wellman & Slatter; Wakiillada Gobolka Thai, Zahn, Salahuddin; Duqa Magaalada Bellevue Robinson iyo Xubnaha Golaha Magaalada Malakoutian, Hamilton, Sumadiwirya; iyo kuwo kale oo badan.