Waxaan u tartamayaa inaan golaha keeno fikrado cusub, hoggaan cusub, iyo aragti farsamo oo wax dhisaysa. Waxaan ka qalin jebiyay dugsiyada dadweynaha ee Redmond, waxaan xubin ka ahay Guddiga Adeegyada Aadanaha ee magaalada, waxaana ahay injineer ka shaqeeya ganacsi yar oo halyeey hore ay leeyihiin. Waxaan si sharaf leh ugu faraxsanahay taageerada aan ka helay dhammaan xildhibaannada gobolka ee hadda matala Redmond.

Golaha dhexdiisa, waxaan mudnaan siin doonaa badbaadada, la awoodi karo iyo ka mid noqoshada. Kumanaan qof ayaa koronto la’aan noqday intii lagu jiray duufaantii xoogga lahayd ee bishii Nofeembar ee la soo dhaafay — waa inaan maalgelin ku sameynaa kaabayaasha waara oo adkaysan kara. Waxaan ka shaqeyn doonaa in waayeellada iyo qoysaska aan laga saarin guryahooda sababo la xiriira qiimaha, waxaan mudnaan siin doonaa jardiinooyin tayo leh iyo gaadiid dadweyne oo la heli karo, isla markaana waxaan ilaalin doonaa deegaanka quruxda badan ee Redmond. Aan dhisno Redmond oo loo diyaariyay mustaqbalka anagoo ilaalinayna waxa bulshadeenna ka dhigaaya mid gaar ah!

Waxaa taageeray: Dab-damiyeyaasha Redmond; Xildhibaan Suzan DelBene; Isbahaysiga Ganacsiga Eastside; Duqa Magaalada Redmond Birney iyo Madaxweynaha Golaha Magaalada Kritzer; Senatarrada Slatter iyo Dhingra; Wakiillada Walen, Springer, Goodman, Salahuddin; Xubinta Golaha Degmada Perry; Dimuqraadiyiinta Degmada King; Dimuqraadiyiinta Degmada Sharci Dejinta 45aad, 48aad

Ka hor intaadan codeynin, is weydii suʼaashan muhiimka ah. Musharaxan ma leeyahay geesinimada uu ugu istaago waxa saxda ah, xitaa markey sahlaneyn ama fududeeyn? Waxaan sii hormariyay baahiyaha guud ee bulshada ballaaran intii aan ka dooran lahaa danta gaarka ah iyo ajendayaasha ciriiriga ah ee xisbiyada siyaasadeed. Daah-furnaanta, gaar ahaan marka khaladaadka la qirto, waa mabda’a aasaasi ah oo hoggaamin wanaagsan iyo ilaalinta kalsoonida dadweynaha.

Waxaan u shaqeeyay si aan u hubiyo in maalgelinteena canshuur-bixiyeyaasha ee ikhtiyaarada gaadiidka, ammaanka dadweynaha, guryaha la awoodi karo, ilaalinta deegaanka, iyo kordhinta jardiinooyinka si taxaddar leh loo fuliyo oo mar walba lala eego baahida dadweynaha kuna dhisan baaritaan.

Mabda'a i hagaya waa inaan adiga ku matalo. Hoggaamiyeyaasha ugu wanaagsan ee la doortay waxay fahamsan yihiin in shaqadoodu tahay inay dhiirigeliyaan dadka oo dhan lana hadlaan, ixtiraamaan kala duwanaanta aragtiyada, oo ay kor u qaadaan fikradaha nolosheena ka dhigaaya mid ka wanaagsan. Golaha magaalada wuxuu u baahan yahay ballanqaad dhab ah, wakhti, aqoon, iyo naxariis. Khibraddayda qotada dheer ayaa loo baahan yahay xilliyada adag ee foodda inagu soo haya, waxaana shaqadaan u qaadanayaa si dhab ah.