Waxaa sharaf iyo mudnaan ii ahayd inaan u adeego Magaalada Kent anigoo ahaa Garsoore Maxkamadda Dowladda Hoose muddo toddoba sanno ah.  Ka dib ku dhawwaad 20 sanno oo aan ku jiray shaqo gaar ah oo ah qareen maxkamadeed, iyo laba sanno oo aan ahaa garsoore ku meel gaar ah ee Maxkamadda Degmada King County, waxaa la ii magacaabay xilka Guddoomiyaha Maxkamadda ee Magaalada Kent sannadkii 2018.  Waxaan markaas qaatay doorka garsoore buuxa bishii Janaayo 2019 waxaana la wareegay garsooraha guddoominaya isla sannadkaas dambe.  Markaas ayaa dib la ii doortay muddo labaad sannadkii 2021.  

Waxaan ku dadaallaa inaan saameyn wanaagsan ku yeesho bulshadeenna maalin kasta oo aan kursiga ku fariisto.  Si adag ayaan u shaqeeyaa si aan u dhabeeyo in dhammaan shakhsiyaadka horyaalla Maxkamadda loo maamuuso oo loo ixtiraamo.  Waxaan aasaasay barnaamijka maxkamadda bulshada ee Maxkamaddaan, kaas oo diiradda saaraya caawinta shakhsiyaadka la tacaalaya caqabadaha la xiriira saboolnimada, caafimaadka maskaxda, iyo balwadda daran.  Waxaan sii wadi doonaa inaan si adag ugu shaqeeyo Magaaladaan oo waxaan rajeynayaa inaan u adeego Kent sannadaha soo socda.   Waxaan si xushmad leh kaaga codsanayaa codkaaga.