Anigoo ah deggane noloshiisa oo dhan ku qaatay Koonfurta Seattle iyo hooyo ku faanta laba gabdhood, waxaan u tartamayaa Golaha Magaalada ee halkan Des Moines. Anigoo ah mulkiilaha dukaanka ubaxa ee maxalliga ah Iris & Peony, waxaan maamulaa ganacsi yar oo bulshada si toos ah ula macaamilla, taas oo iga dhigaysa mid qof walba heli karo isla markaana i siisa fursad aan ku dhegaysto walaacyada dadka ee ku saabsan magaaladeenna. Tan iyo markii aan ganacsigayga u soo raray Des Moines, waxaan qaban-qaabiyey dhacdooyin badan waxaanan bixiyey u-doodid ganacsiyada bulshada; sidoo kale waxaan ku faanayaa inaan helay taageerada Ururka Tafaariiqlayda Washington.

Xubin ka noqoshada Golaha Magaalada waxay ii siin doontaa fursad aan ugu doodo ganacsiyada yaryar, aan uga kaalmeeyo horumarinta dhaqaalaha, aanna xoojiyo badbaadada dadweynaha. Magaaladeennu waxay leedahay awood aad u weyn oo la hirgelin karo, waxaana sharaf ii ahaan lahayd inaan kasbado codkaaga.