Waxaan u tartamayaa Golaha Degmada King si aan bulshadeenna cod ugu yeelo oo aan u xalliyo dhibaatooyinka aan dhammaanteen la kulannay tan iyo intii aan halkan u soo guuray: guryo aan la awoodi karin, ciriiriga safarka, nidaamka canshuurta hantida oo aan dheellitirnayn, iyo cabsi amniga dadweynaha. Waxaan xallin karnaa dhibaatooyinkaan, laakiin waxay u baahan tahay aragti, ficil, iyo dulqaad. Waxaan wada keenay saddexdaba.

Waxaan u baahanahay maskax furan oo raadinaysa talo soo jeedin dadka ay saamaynayaan go'aamadooda. Amazon, waxaan ka dhisay barnaamij tababar oo guuleystay oo loogu talagalay horumarinta barnaamijyada softiweerka ee shaqaalaha aan si wanaagsan loo matalin anigoo si firfircoon uga raadinaya talo soo jeedinta ardayda la daalaa dhacaya. Ololahayga, waxaan dhisayaa xiriirro aan la leeyahay kooxaha gargaarka maxalliga ah iyo xubnaha bulshada. Sida Xubinta Golaha, waxaan hubin doonaa in codkaaga la maqlo anigoo qabanaya shirar bulsho ka hor inta aanan u codeyn sharciyada.

Waxaan u baahanahay wakiillo ficil qaada. Ololahaan, waxaan ka tabarucay bangiyada cuntada, waxaan abaabullay ololeyaal deeqo, waxaanan ka qaybgalay mashaariic nadiifin. Maalgelinta adeegyada bulshada waxay inoo badbaadisaa lacag iyadoo yareyneysa baahida daryeelka caafimaadka degdegga ah iyo adeegyada nidaamka caddaaladda dambiyada. Sida Xubin Golaha ahaan, waxaan mudnaan siin doonaa maalgelinta kooxaha lama-huraanka ah ee horrey u qabanaya shaqada inna quudiya, inna dejisa (hoy siiya), oo nagu ilaalisa ammaan.

Waxaan u baahanahay kuwa xalliya dhibaatooyinka oo leh fikrado cusub. Waxaan leeyahay soddon sanno oo waayo-aragnimo shaqo ah oo aan ku xallinayo dhibaatooyin adag anigoo adeegsanaya xalal ku saleysan caddeymo. Waxaan qorshaynayaa inaan beddelo nidaamyada canshuurta hanti iyo iibka ee jaban oo aan ku beddelo ilo dakhli oo caddaalad ah oo waara. Haddii ay jirto rabitaan siyaasadeed, waxaan dhaqan gelin karnaa isbeddelada ay bulshadeennu si aad ah ugu baahan tahay.

Waxaan ku faanayaa taageerada 314 Action, Dimuqraadiyiinta Degmada King, Guddoomiyaha Guddiga Farshaxanka Covington Riley Reed, iyo kuwa kale oo ku jira liiska sii kordhaaya ee ElectJude.com. Haddii aad i siiso fursad, waxaan ka faa'iideysan doonaa maalgelinta iyo miisaanka Degmada King si aan u xaqiijiyo cunto, hoy, daryeel caafimaad, iyo fursad guul - dhammaanteen.

Waxaa sharaf ii ahayd inaan noqdo u doodahaaga golaha degmada King. Waxaan u tartamayaa dib-u-doorasho si aan uga hortago canshuuraha cusub iyo kuwa aan loo baahnayn, khidmadaha sare, iyo kharashka dowladda ee heer kasta oo ka dhigaaya mid adag in qoysaska shaqeeya ay awoodaan inay ku noolaadaan halkan degmada King.

Waxaan ku faanayaa inaan helay taageerada sagaalka duq magaalo ee aan xisbi lahayn ee degmada, iyo sidoo kale ururo badan oo booliis, dab-damis iyo kuwa ka jawaaba xaaladaha degdegga ah, iyo sidoo kale Dimuqraadiyiin iyo Jamhuuriyiin caan ah. Waxaa sidoo kale la igu maamuusay sida Mas’uulka La Doortay ee Sannadka ee Gobolka Washington.

Dowladda degmada waxay la kulantaa caqabado aad u waaweyn. Waxaan si adag u shaqeyn doonaa si aan u siiyo hey’adaha sharciga qalabka ay u baahan yihiin si ay u yareeyaan dambiyada, waxaanan la dagaalami doonaa si aan canshuurihiinna u hooseeyo. Waxaan sii wadi doonaa inaan mudnaanta siiyo maalgelinta dowladda si adeegyada degdegga ah ee muhiimka ah iyo dayactirka waddooyinka si habboon loo maalgeliyo. Intaa waxaa dheer, waxaan ahay xubin keliya ee Golaha Degmada King oo leh khibrad caddaaladda dambiyada, anigoo sannado badan ka shaqeynayay Waaxda Caddaaladda. Waxaa ii magacaabay Madaxweyne George Bush waxaana u shaqeeyay sidii Xeer-Ilaaliye Federaalka oo leh Top Secret (Sirta ugu Sareysa) oggolaansho. Seattle, waxaan ka shaqeeyay Waaxda Argagixisada iyo Dambiyada Rabshadaha ee Xafiiska Xeer Ilaaliyaha Guud ee Mareykanka. Waxaan sidoo kale hoggaamiya hindisaha jinsiga iyo caddaaladda bulshada ee Waaxda Caddaaladda si loola dagaalamo rabshadaha hubka. 

Waxaa iga go'an in aan helo xalal dhab ah oo ku saabsan dhibaatada hoy la'aanta ee gobolkayaga waxaanan sii wadi doonaa inaan caawiyo kuwa la ildaran balwadda daroogada iyo khamriga.  Maareynta deegaanka iyo ilaalinta goobaha furan ee gobolkeena waa mudnaanta muhiimka ah aniga.

Haddii dib la ii doorto, waxaan adeegsan doonaa aqoontayda degmada, oo aan ku daray sannado khibrad ah oo aan ka helay waaxda gaarka ah iyo tan dawladda, si aan uga caawiyo Degmada King inay sii waddo jidka ay ku gaareyso dowlad hufan oo lala xisaabtami karo.

Adigaan kuu shaqeeyaa, waxaana kaaga mahad celinayaa codkaaga.