Ku Codee Haa si aad dib ugu cusbooneysiiso canshuurta Barnaamijyada Waxbarashada iyo Hawlgallada ee Federal Way! Codka Haa wuxuu hubiyaa inay ardayda sii helaan adeegyada muhiimka ah ee uusan gobolka si buuxda u maalgelin. Canshuurtaan waxay ka kooban tahay qiyaas ahaan 10% miisaaniyadda hawlgalka degmada waxayna taageertaa in ka badan 200 shaqaale ka caawiya ardayda inay wax bartaan, inay ammaan ahaadaan, oo kobcaan—oo ay ku jiraan shaqaalaha taageerada fasalka, la-taliyeyaasha, taageerada waxbarashada gaarka ah, kooxaha ammaanka iyo amniga, shaqaalaha nadaafadda, iyo shaqaalaha dayactirka.
Tani maaha canshuur cusub—waxay beddelaysa canshuurta wakhtigeedu dhammaanayso ee codbixiyeyaashu si joogto ah u taageereen tan iyo 1980-kii. Haddii aan la dib loo cusbooneysiin, degmada waxay la kulmi doontaa dakhli jar aad u weyn oo ku saabsan barnaamijyada fasalka aasaasiga ah, ciyaaraha, hawlaha dheeraadka ah e ka baxsan manhajka, iyo shaqaalaha ee ay ardaydu maalin walba ku tiirsan yihiin. Maalgelinta canshuurta maxalliga ah waxay ka dhigtaa dugsiyadeena kuwo wax soo dhawweynaya, ammaan ah, oo shaqaale buuxda leh, iyadoo isla markaa kobcinaysa fursadaha sida ciyaaraha, muusikada, diyaarinta kulliyadda iyo xirfadaha, STEM, iyo waxbarashada xirfadda iyo farsamada.
Dugsiyada Dadweynaha ee Federal Way waxay muujiyeen maamul maaliyadeed oo mas’uuliyad leh, si taxaddar leh u maaraynta kheyraadka iyo joogtaynta heerarka ururinta xasillan, ee la saadaalin karo iyadoo xitaa ay maalgelinta gobolku sii yaraanayso. Maalgeshiyadaan waxay keenaan natiijooyin dhab ah, oo ay ku jiraan natiijooyin xooggan oo qalin-jabin ah iyo guulo waxbarasho oo ka dambeeya dugsiga sare.
Dugsiyada xooggan waxay xoojiyaan xaafadaheena, dhaqaalaheena, iyo bulshadeenna. Ku Codee Haa si aad dib ugu cusbooneysiiso canshuurta EP&O loona taageero ardayda Federal Way.
Bayaanka waxaa soo gudbiyay: Greg Baruso, Martin Moore, Cindy Ducich, citizensforfederalwayschools.org
