Ansixinta Soo Jeedinta Lr. 1 waxay Degmada Dugsiga Enumclaw Lr. 216 u oggolaanaysaa inay beddesho canshuurta barnaamijyada waxbarashada iyo hawlgallada ee hadda jirta oo wakhtigeedu dhammaanayso dhammaadka sannadka kalandarka ee 2026 iyadoo la soo rogayo $15,399,182 oo ah canshuur hantida ee gudaha Degmada oo la ururinayo 2027, $16,316,364 oo la ururinayo 2028, $17,288,577 oo la ururinayo 2029, iyo $18,319,122 oo la ururinayo 2030.
Haddii Codbixiyeyaashu ansixiyaan Soo Jeedintaan, lacagahaan waxaa lagu shubi doonaa Sanduuqa Guud ee Degmada waxaana loo isticmaali doonaa in lagu bixiyo barnaamijyada waxbarasho ee u qalma iyo hawlgallada ee uusan Gobolka Washington maalgelin , oo ay ku jiraan la-taliyeyaasha, kalkaaliyeyaasha caafimaadka iyo xirfadleyaasha qolka caafimaadka, ammaanka iyo amniga, ilaaliyeyaasha nadaafadda, maktabad-yaqaannada, macallin caawiyeyaasha, shaqaalo shahaadeysan, adeegyada waxbarashada goorta hore, adeegyada taageerada ardayda, barnaamijyada waxbarashada iyo adeegyada, sahayda waxbaridda iyo dugsiga, gaadiidka, adeegyada nafaqada carruurta, adeegyada caafimaadka bulshada iyo maskaxda, barnaamijyada muusikada iyo farshaxanka, ciyaaraha, barnaamijyada manhajka ka-qaybgalka iyo dayactirka garoomada carruurta ee lagu ciyaaro, garoomada ciyaaraha isboortiska, iyo xarumaha iyo kharashaadka hawlgalka ee kale. Haddii ay codbixiyeyaashu oggolaadaan iyo iyadoo ku saleysan macluumaadka qiimeynta la qiimeeyay ee la saadaaliyay, Degmada waxay qiyaasaysaa heer canshuur ah $1.74 halkii $1,000 ee qiimaha la qiimeeyay sannad kasta oo ka mid ah afarta sannadood ee ururinta.
Ka dhaafitaanka canshuuraha waxa laga yaabaa inay heli karaan mulkiileyaasha guryaha ee jira 61 ama ka weyn, ama naafada ah, oo buuxiya shuruudaha dakhliga qaarkood. Si aad u hesho macluumaad la xiriira ka dhaafitaannada, ka wac Qiimeeyaha Degmada King taleefanka (206) 296-7300.
