Ansixinta Soo Jeedinta Lr. 1 waxay Degmada Dugsiga Tahoma Lr. 409 u oggolaanaysaa inay dib-u-cusbooneysiiso canshuurta wakhtigeedu dhammaanayso ee barnaamijyada waxbarashada iyo hawlgallada. Canshuurta la soo jeediyay waxay oggolaanaysaa ururinta canshuuraha hantida dheeraadka ah ee sannadlaha oo ah $31,233,375 sannadka 2027, $32,795,043 sannadka 2028, $34,434,795 sannadka 2029, iyo $36,156,535 sannadka 2030.
Haddii codbixiyeyaashu ansixiyaan soo jeedintaan, canshuurahaan waxaa lagu shubi doonaa Sanduuqa Guud ee Degmada iyadoo loo isticmaali doono bixinta hawlaha maalinlaha ah ee dugsiga si loo daboolo baahiyaha ardayda ee aan gobolku maalgelin, oo ay ku jiraan laakiin aan ku xaddidnayn: farshaxanka, ciyaaraha isboortiska, hawlaha dheeraadka ah, tababarka gaarka ah, tababarka macallinka, iyo shaqaalaha si loo taageero hawlaha degmada, ammaanka, iyo caafimaad wanaagsan.
Iyadoo lagu salaynayo macluumaadka qiimeynta la qiimeeyay ee la saadaaliyay, Degmadu waxay qiyaasaysaa heerka canshuurta ee canshuurtaan la soo jeediyay oo ah $2.37 halkii $1,000 ee qiimaha la qiimeeyay sannad kasta oo ka mid ah afarta sanno ee ururinta (2027, 2028, 2029, iyo 2030). Ka dhaafitaanka canshuurta hantida ayaa laga yaabaa in ay heli karaan qaar ka mid ah mulkiileyaasha guryaha ee da'da weyn ama kuwa naafada ah kuwaas oo buuxiya xadka dakhliga la cayimay. Si aad u hesho macluumaad la xiriira ka dhaafitaannada, ka wac Qiimeeyaha Degmada King taleefanka (206) 296-7300.
