Ansixinta Soo Jeedinta Lr. 2 waxay Degmada Dugsiga Riverview Lr. 407 u suurta gelin doontaa inay dib-u-cusbooneysiiso canshuurta wakhtigeedu dhammaanayso ee mashaariicda hantida waaweyn iyo baahiyaha teknolojiyada. Canshuurta la soo jeediyay waxay oggolaanaysaa ururinta canshuuraha hantida xad‑dhaafka ah ee sannadlaha ah ee dheeraadka ah oo ah $4,800,000 sannadaha 2027, 2028, 2029, iyo 2030.
Haddii ay codbixiyeyaashu ansixiyaan soo Jeedintaan, canshuurahaan waxa lagu shubi doonaa Sanduuqa Mashaariicda Hantida Waaweyn ee Degmada waxaana loo isticmaali doonaa in lagu casriyeeyo xarumaha waxbarashada iyada oo loo maraayo helitaanka iyo rakibidda, hirgelinta iyo maareynta teknolojiyada kombuyuutarka iyo nidaamyada teknolojiyada, xarumaha iyo mashaariicda, oo ay ku jiraan laakiin aan ku xaddidnayn shatiga softiweerka, qalabka ardayda, casriyaynta fasalka oo ay ku jiraan helitaanka qalabka fasalka ee Waxbarashada Xirfadda iyo Farsamada, kobcinta ammaanka dugsiga iyo kaabayaasha shabakadda, joogtaynta shaqaaleysiinta teknolojiyada lagama maarmaanka ah, iyo hirgelinta barnaamijyada oonleenka, rukumada, oo ay ku jiraan cusbooneysiinta iyo adeegyada lama filaanka ah, iyo tababarka la xiriira rakibidda waxyaabaha aan soo sheegnay oo qayb muhiim ah ka ah nidaamyada teknolojiyada ee Degmada, xarumaha, ama mashaariicda; iyo taageeridda dayactirka iyo hagaajinnada dhismaha ee sii socda.
Iyadoo lagu salaynayo macluumaadka qiimeynta la qiimeeyay ee la saadaaliyay, Degmadu waxay qiyaasaysaa heerka canshuurta ee canshuurtaan la soo jeediyay oo ah inta u dhexeysa $0.51 iyo $0.56 halkii $1,000 ee qiimaha la qiimeeyay sannad kasta oo ka mid ah afarta sanno ee ururinta (2027, 2028, 2029, iyo 2030). Ka dhaafitaanka canshuurta hantida ayaa laga yaabaa in ay heli karaan qaar ka mid ah mulkiileyaasha guryaha ee da'da weyn ama kuwa naafada ah kuwaas oo buuxiya xadka dakhliga la cayimay. Si aad u hesho macluumaad la xiriira ka dhaafitaannada, ka wac Qiimeeyaha Degmada King taleefanka (206) 296-7300.
