Ansixinta Soo Jeedinta 1-aad ayaa u sahlaysa Degmada Dugsiga Kent inay beddesho canshuurta wakhtigeedu sii dhacaayo ee barnaamijyada dugsiyada iyo shaqooyinka ayadoo qaadeysa canshuur dhan $79,300,000 oo la ururinaayo sannadka 2025, $82,500,000 oo la ururinaayo 2026, iyo $85,800,000 oo la ururinaayo 2027. Sida waafaqsan Qaraarka Lr. 1650 ansixinta soo jeedintaan, lacagahaan ayaa loo adeegsan doonaa bixinta shaqooyinka maalinlaha ah ee dugsiga si loo buuxsho baahiyaha ardayda ee uusan kharashkooda bixin gobolka, ayna ku jiraan laakiin aanan ku xaddidnayn, farshaxanka, ciyaaraha, nashaadaadka ka baxsan manhajka, waxbarashada gaarka ah, badqabka iyo amniga dugsiga, waxbarashada xirfadda ee shaqaalaha, kharashaadka shaqada iyo dayactirka dhismaha , iyo shaqaale dheeraad ah oo ay ku jiraan macallimiinta, kalkaaliyeyaasha, kaaliyeyaasha macallimiinta, khabiirrada caafimaadka dhimirka, iyo shaqaalaha taageerada kale ee ardayda.
Ayadoo lagu saleynaayo xogta qiimaha la qiimeeyay ee la filayo, Degmadu waxay ku qiyaasaysaa qiimaha canshuurta $1.72 ka mid ah $1,000 ee qiimeynta la qiimeeyay ee lasoo ururin doono sannadaha 2025 ilaa 2027. Ka dhaafitaannada canshuurta ayay heli karaan mulkiileyaasha guryaha ee jira 61 iyo ka weyn, ama naafada ah, kuwaas oo buuxsha shuruudaha dakhliga ee gaarka ah. Si aad u hesho wixii macluumaad ah ee la xiriira ka dhaafitaannada, wac Qiimeeyaha Degmada King oo aad ka helayso (206) 296-7300.
