King County logo

Ballot measures

v1.0.0.1

Ballot measures

Nofeembar 3, 2026 Doorashada Guud

Magaalada SeaTac

Soo Jeedinta Lr. 1
Canshuurta Iibka iyo Isticmaalka ee Ka Hortagga Dabka iyo Caddaaladda Dambiyada

Golaha Magaalada ee Magaalada SeaTac ayaa ansixiyay Xeerka Lr. 26-1017 ee khuseeya maalgelinta ammaanka dadweynaha iyo adeegyada kale ee Magaalada. Haddii la ansixiyo, soo jeedintan waxay kordhin doontaa heerka canshuurta iibka iyo isticmaalka ee Magaalada 1/10aad ee 1% ah (0.1%) si loo bixiyo maalgelinta adeegyada ammaanka dadweynaha, oo ay ku jiraan laakiin aan ku xaddidnayn, ilaalinta dabka, ka hortagga dabka iyo ka jawaabista caafimaadka degdegga ah; taageerada fulinta sharciga iyo shaqaaleynta iyo sii haysashada shaqaalaha; ujeeddooyinka caddaaladda dambiyada; hawlgallada ammaanka dadweynaha, dayactirka iyo mashaariicda hantida waaweyn; iyo hawlgallada iyo adeegyada kale ee ammaanka dadweynaha ee lagu oggolaaday sida ku xusan RCW 82.14.450. Ma tahay in soo jeedintan la ansixiyo?

Haa

Maya


Magaalada SeaTac waxay bixisaa adeegyada ammaanka dadweynaha iyo adeegyada la xiriira si toos ah iyo iyada oo loo marayo qandaraasyo lala galay Maamulka Dab-damis Goboleedka ee Puget Sound iyo Xafiiska Sheriff-ka Degmada King. Adeegyadaan waxay taageeraan deganeyaasha iyo kumanaan qof oo maalin kasta u safra SeaTac si ay u helaan hoteelada deegaanka, maqaayadaha, ganacsiyada, fursadaha shaqo, iyo Seattle-Tacoma International Airport, oo gebi ahaanba ku dhex yaalla Magaalada.

Soo qulqulashadan waxay dhalisaa tirada dadka soo booqda ee maalinlaha ah oo in ka badan lix laab tirada deganeyaasha Magaalada. U adeegidda deganeyaasha iyo dadka safra waxay dhalisaa tiro aad u sareysa oo aan isku dheellitirnayn oo ah dhacdooyinka dabka iyo xaaladaha degdegga ah ee caafimaadka ee adag, waxayna kordhisaa baahiyaha loo qabo adeegyada ammaanka dadweynaha. Sicir bararka iyo xaaladaha khatarta ah ee goobta shaqada ayaa kordhiyay kharashka adeegyadaan. Dakhliyada magaalada ma aysan la jaan qaadin, waxaana loo baahan yahay kheyraad dheeraad ah si loo sii wado bixinta adeegyada muhiimka ah ee dab-damiska, caafimaadka iyo ammaanka dadweynaha.

Soo jeedinta 1 waxay oggolaan doontaa 0.1% canshuurta iibka iyo isticmaalka ee iibka tafaariiqda iyo isticmaalka ee canshuurta laga qaado ee gudaha SeaTac. Canshuurtu waxay khuseyn doontaa iibsashada canshuurta laga qaadi karo ee deganeyaasha iyo dadka safra. Keliya macaamillada canshuurta laga qaadi karo marka loo eego sharciga gobolka Washington ayaa la canshuuri lahaa; inta badan raashinka waa laga dhaafay. Sharciga gobolka ayaa sidoo kale canshuurtaan ka dhaafaya iibka gaadiidka iyo 36-ka bilood ee ugu horreeya ee kiraysiga gaadiidka. Dakhliga ka soo xarooda canshuurta waxaa loo qaybin doonaa 85% magaalada iyo 15% Degmada King. Ugu yaraan saddex meelood hal meel oo dakhliga ka mid ah waxaa loo isticmaali doonaa oo keliya ujeeddooyinka ilaalinta dabka, ujeeddooyinka caddaaladda dambiyada, ama labadaba, sida uu u baahan yahay RCW 82.14.450. Canshuurtani waxay ku dari lahayd $0.10 iibsi canshuuran oo ah $100.

Magaalada SeaTac waa bulsho gaar ah. Maalin kasta, kumanaan shaqaale ah, dadka safra ah, booqdeyaal ah, iyo isticmaaleyaasha garoonka diyaaradaha ah ayaa soo gala magaaladeena, iyagoo abuuraya baahiyo loo qabo adeegyada ammaanka dadweynaha oo ay ku jiraan booliiska, dab-damiska, iyo jawaab-celinta caafimaadka ee degdegga ah. Adeegyadaan waxay ilaaliyaan qof walba oo ku nool, ka shaqeeya, soo booqda, iyo ganacsi ka sameeya SeaTac.

Soo jeedinta 1 waxay bixisaa hab caddaalad ah si loo maalgeliyo adeegyada muhiimka ah. Halkii culayska oo dhan la saari lahaa deganeyaasha SeaTac oo keliya, canshuurta iibka ee Ammaanka Dadweynaha ee 0.1% ee dhex dhexaadka ah waxay weydiinaysaa qof kasta oo iibsiyo canshuur laga qaadayo ka sameeya bulshadeenna inuu wax ku darsado—oo ay ku jiraan booqdeyaasha, dadka safra, iyo shaqaalaha isticmaala isla markaana ka faa’iidaysta adeegyada.

Magaaladeenu waxay adeegyada ammaanka dadweynaha siisaa bulsho maalin kasta aad uga ballaaran tirada dadka halkan degan. Waa caddaalad keliya in dadka yimaada SeaTac ee ku tiirsan nidaamkeena ammaanka dadweynaha ay sidoo kale gacan ka geystaan sidii adeegyadaas looga dhigi lahaa kuwo xooggan.

Marka hadda tallaabo la qaado, magaalada SeaTac waxay haysataa fursad ay ku hayso oo ay ku sii haysato maamulka deegaanka ee ku saabsan sida loo isticmaalo dakhliga deegaanka laga soo saaro. Haddii Degmada King ay marka hore soo rogto canshuurteeda iibka ee ammaanka dadweynaha, SeaTac waxay heli doontaa qayb ka yar dakhligaas, waxayna yeelan doontaa xakamayn ka yar isticmaalkeeda. Ku Codee Haa ee Soo Jeedinta 1.

Waxaa soo gudbiyay: James Lovell, Damiana Merryweather

Dadka SeaTac way soo jeedaan oo ay daawanayaan—mar kale. Sannadkii 2014, Golaha Magaalada iyo shaqaaluhu waxay soo rogeen canshuurta adeegyada ee korontada, kaybalka, internetka, taleefanka, iyo waxyaabo kale. Sannadkii 2015, codbixiyeyaashu waxay beddeleen golahaas, canshuurta adeegyada dib ayaa looga noqday, Maamulihii Magaaladana shaqada ayaa laga eryay. Golaha cusub ayaa xitaa diiday kororka tooska ah ee canshuurta hantida. Taasi waxay biloowday toban sanno oo xisaabtan maaliyadeed ah, hareeraha waddooyinka cusub ah, maalgelin dheeraad ah, iyo kordhinta shaqaalaha booliiska ah si SeaTac looga dhigo mid ammaan ah.

Tan iyo xilligaas, inta badan Golaha Magaalada waxaa lagu beddelay dad wata ajende ka duwan. Dheeraadkii waa dhammaaday, kharash-gareynta faraha ayay ka baxday, haddana waxay rabaan inay canshuuraha kordhiyaan mar kale—markaan waxay ku kordhinayaan ganacsiyadeena deegaanka. Bulsho ganacsi oo kobcaysa ayaa gacan ka gaysatay in SeaTac laga dhigo mid ka mid ah magaalooyinka ugu qiimaha jaban ee Degmada King. Ha dilin boolanboollada dhasha ukunta dahabka ah si aanan nafteena uga dhex saarin bulshadeenna qiimaha sare awgeed. Maxaa xiga—ma canshuur kale oo adeegyada tamarta ah mise kordhinta canshuurta hantida? Golaha iyo shaqaaluhu waxay halis gelinayaan shaqooyinkooda—mar kale

Fadlan yaan la idin marin-habaabin. Canshuurta B&O waa calaamad digniin u ah waxa imaan kara haddii aynaan beddelin jihada. Horrey ayaan u samaynay, waan samayn karnaa mar kale.

Ku codee Maya ee kordhinta canshuurtaan!

Waxaa soo gudbiyay: Susan Constable

Soo Jeedintani 1 ma aha canshuur saaran deganeyaasha SeaTac ama ganacsiyada maxalliga ah.  Waxay tahay qalabka ugu wanaagsan ee aan haysano si aan dakhli uga soo ceshano kumanaanka dadka safra ah ee booqda SeaTac sannad kasta.  Xilli uu jiro koror aan horrey loo arag oo ku yimid kharashyada ammaanka dadweynaha, waa habka ugu wanaagsan ee lagu xaqiijin karo in deganeyaasha iyo booqdeyaashaba ay sii wadaan helitaanka adeegyo ammaan dadweyne iyo kuwo degdeg ah oo la isku halayn karo.

Waxaa soo gudbiyay: James Lovell, Damiana Merryweather

Canshuurta Iibka ee Ammaanka Dadweynaha ayaa xitaa ka sareysa canshuurta B&O. Kuwaas, iyo canshuuraha adeegyada tamarta ee cusub, dhammaantood waxaa loo qorsheeyay isla kulankii golaha. Golahaan iyo shaqaaluhu waxay qabaan dhibaato kharash-garayneed—deganeyaasha SeaTac mar hore ayaa canshuur lagu dilay. Garoonka Diyaaraduhu waa marin-habaabin. Kuwa ugu waaweyn macaamillada ee garoonka diyaaradaha—tigidhada diyaaradaha—waa laga dhaafay canshuurta iibka. Canshuurahaan cusub waa kuwo dib-u-dhac ah oo dhibaya deganeyaasha.

Danta dhammaanteen darteed, Ku codee Maya!

Waxaa soo gudbiyay: Susan Constable

Aqlabiyad fudud (RCW 82.14.450)

Wixii su’aalo ah ee aad ka qabto xeerkan, la xiriir, Qareenka Magaalada, (206) 973-4662, cityclerk@seatacwa.gov

55 so-SO Production

La Xiriir Waaxda Doorashooyinka

Iimeel: elections@kingcounty.gov

Taleefan: 206-296-VOTE (8683)

TTY: Relay 711

Sign up for email or text notifications
Rukumayso ogeysiisyada iimeelka ama fariimaha taleefanka
contact-box-image
King County Elections
(Informarme sobre el contenido de mi boleta)

919 Southwest Grady Way
Renton, WA 98057

Sida loo tago Waaxda Doorashooyinka

Languages:
中文 (Chinese)
한국어 (Korean)
Русский (Russian)
Soomaali (Somali)
Español (Spanish)
Tiếng Việt (Vietnamese)