Sida guddiga xaafadda ahaan waxaan taageereynaa curaartan sababtoo ah waa maalgashi lagu sameynayo ammaanka iyo u diyaargarowga bulshadeenna. Waxaan u qalannaa adeegyo degdeg ah oo la isku halayn karo, xarumo ammaan ah oo loogu talagalay dab-damiyeyaasheena, iyo kheyraadka loo baahan yahay si loo waajaho caqabadaha mustaqbalka.

Dab-damiyeyaasheena waxay ka jawaabaan kumanaan wicitaanno degdeg ah oo ka yimaada saldhig la dhisay in ka badan 40 sanno ka hor oo aan loo ansixin u adkeysiga dhul-gariirka. Halka heellannaanta dab- damiyeyaasheena aanay weligeed isbeddelin, qaar ka mid ah xarumaha iyo qalabka ay maalin kasta isku halleeyaan ayaa gaaray dhammaadka muddadii ay waxtarka lahaayeen, waxayna u baahan yihiin in la beddelo.

Curaartan waxay casriyayn doontaa Saldhiga Dab-damiska 20, waxay beddeli doontaa mashiinka gurmadka ee duugoobay, waxayna horumarin doontaa xarunta hawlgallada degdegga ah ee degmada iyadoo dhisaysa keyd sugan oo u dhow oo loogu talagalay agabka xaaladaha degdegga ah iyo qalabka gurmadka. Mashaariicdan/dhismeyaashan waxay gacan ka geysan doonaan ilaalinta gawaarida gurmadka degdegga ah, agabyada, hagaajinta ammaanka dab-damiyeyaasha, iyo xaqiijinta in degmadu ay u diyaarsan tahay inay uga jawaabto dhammaan xaaladaha degdegga ah iyo masiibooyinka.

Curaarta la soo jeediyay waxay diiradda saaraysaa horumarinta dhismeyaasha iyo kaabayaasha ee muddada dheer oo aan lagu maalgelin karin miisaaniyadda hawlgalka ee caadiga ah ee degmada. Ayadoo la sameynayo maalgelintaan hadda, waxaan ilaalin karnaa oo aan hagaajin karnaa xarumaha iyo qalabka taageera jawaab-celinta degdegga ah sannadaha soo socda. Ku Codee Haa ee KCFD Lr. 20 Curaarta Ammaanka Bulshada.

Waxaa soo gudbiyay: Terry Miller, Alesia D. Cannday, Margie Lindberg

Ma jiro wax bayaan ah oo ka soo horjeeda xeerkan. Ma jiro qof ka tirsan gudaha maamulka oo la soo xiriiray Doorashooyinka Degmada King si uu uga mid noqdo guddiga qoraaya bayaanka ka soo horjeeda xeerka.

Maamulada xeerarka ku soo bandhigga warqadda codbixinta waxay sidoo kale magacaabaan xubno ka tirsan dadweynaha si ay uga mid noqdaan guddiyada "taageeridda" iyo "ka soo horjeedidda". Guddiyadan waxay diyaariyaan bayaanno taageeraya ama ka soo horjeeda xeerka warqadda codbixinta. Bayaannadan waxaa lagu daabacaa buug-yaraha codbixiyeyaasha deegaanka si ay uga caawiyaan codbixiyeyaasha inay go'aanno xog-ogaal ah gaaraan.

Haddii maamulka uusan awoodin inuu magacaabo guddi, Doorashooyinka Degmada King waxay magacaabi karaan mid walba oo ka mid ah xubnaha guddiga ee u qalma ee hore isa soo taaga. Si aad mustaqbalka ugu biirto guddi, fadlan la xiriir maamulka.

La soo deg qoraalka buuxa ee qaraarka oo Af-Ingiriis ah

60% aqlabiyad haa ah iyo soo bixitaanka ugu yaraan 40% ee codbixiyeyaasha dhiibtay warqadaha codbixinta doorashadii guud ee ugu dambeysay (Dastuurka Washington, qodobka VII, qaybta 2(b))

Wixii su’aalo ah ee aad ka qabto xeerkan, la xiriir: Eric Hicks, Taliyaha Dab-damiska, (206) 772-1430, ehicks@kcfd20.org