Maktabadaha dadweynaha ee Seattle waa kheyraad xaafadeed qaali ah oo u furan qof walba oo ku nool magaaladeena koraysa, ee kala‑duwanaanshaha leh. Canshuurta Maktabadda waxay bixisaa in ka badan saddex meelood meel maalgelinta guud ee maktabadda, iyadoo ilaalinaysa oo ballaarinaysa barnaamijyada iyo ururinta buugaagta, xaqiijinaysa shaqaale xirfad leh, isla markaana maalgelinaysa casriyaynta dhismeyaasha si loo helo ka badbaadidda dhul-gariirka, helitaan fudud, iyo waxtar tamareed oo magaalada oo dhan ah – oo ay ku jirto Maktabadda Dhexe ee caanka ah.
Iyadoo hanjabaadaha federaalka ee kordhaaya ee ka dhanka ah waxbarashada iyo aqoonta, maktabadaha Seattle waxay door muhiim ah ka ciyaaraan la‑dagaalanka faafreebka iyo faafinta macluumaad khaldan. Maktabadaha Seattle waxay u heellan yihiin helitaan bilaash ah oo siman oo macluumaad u furan qof walba.
Canshuurta 2026 waxay caawin doontaa ballaarinta ururinta caanka ah iyo daboolista kharashaadka sii kordhaaya ee buugaagta oonleenka iyo agabyada kale. Cabbirkan wuxuu ballaarinayaa barnaamijyada waxbarasho ee dhiirigeliya jaceylka akhriska ee nolosha oo dhan, isla markaana u adeega dadka da’ kasta leh, oo ay ku jiraan kuwa baranaaya Af-Ingiriiska, dadka shaqada raadinaya, iyo dadka aan haysan helitaan teknolojiyadeed.
Cabbirkan wuxuu beddelayaa Canshuurtii 2019 ee wakhtigeedu dhammaanayso wuxuuna ku kici doonaa mulkiilaha guriga qiimihiisu yahay dhex dhexaad qiyaastii $9 bishii oo dheeraad ah. Lacagaha ayaa si madax‑bannaan loo kormeeraa oo loo baaraa, waxaana jira ka dhaafitaanno canshuur oo ay heli karaan waayeellada iyo dadka naafada ah. Waxaa taageeray Hey’adda Maktabadda Dadweynaha ee Seattle (The Seattle Public Library Foundation), Saaxiibbada SPL (Friends of SPL), Ururka Shaqaalaha ee Maktabadda AFSCME 2083, Duqa Magaalada iyo Xubnaha Golaha, iyo kuwo kale. Fadlan ku biir deriskaaga adigoo ku codeynaya Haa si aan u taageerno maktabadaha bulshada!
Waxaa soo gudbiyay: Katie B. Wilson, Joy Hollingsworth, Ken Jennings
